Jwenn enfòmasyon konsènan IPA ou an

Ou te deklare ou pa kapab peye taks pou Eta New York ou an yon fason ki konplè pa rapò ak sitiyasyon finansyè ou gen aktyèlman, epi ou te fè demann yon Akò pou Peman Pa Vèsman an (IPA). Ou dwe reponn ak kondisyon sa yo:

• Ranpli tout deklarasyon revni nan delè yo bay pou sa.
• Peye tout obligasyon taks nan delè yo bay pou sa.
• Fè peman IPA yo alè. Nou ka aplike ranbousman nan eta a ak ranbousman federal pou dèt ou pa peye yo; sepandan ou dwe toujou fè peman chak mwa ki planifye a.
  
• Bay yon mizajou sou kondisyon finansye w, si nou mande sa.

Si w pa rive reponn ak okenn kondisyon ki anwo a, nou ka kanpe oswa modifye IPA ou an apre yon avi alavans ki sou 30 jou, kote nou esplike rezon yo. Si komisè a kwè a nenpòt kilè gen yon risk pou yo kolekte dèt sa a, li ka kanpe IPA ou an san okenn avi.

Si nou kanpe IPA ou an, nou ka pran mezi pou kolekte la kont ou menm, tankou:

• ranpli yon tax warrant (manda fiskal)
• garnish (sezi) salè w oswa lòt revni
• levy (pran) epi seize (sezi) byen ou yo
• rekòmande suspension (pou yo sispann) lisans chofè w (lè w dwe yon balans total ki plis pase $10,000; gen kèk esklizyon ki ka aplike)
• Bay fakti epi pran mezi rekouvreman kont moun ki responsab yon antite komèsyal
• pran lòt mezi apwopriye pou fè yo aplike

N ap fè w konnen lè ou dwe premye peman ou gen pou chak mwa a. W ap resevwa swa:

• yon Avi pou Fakti Akò Peman Pa Vèsmank ap di w make your monthly payment (pou fè peman ou gen chak mwa a) sou entènèt oswa pa lapòs; oswa
• yon Konfimasyon ki fè konnen gen yon dediksyon otomatik pou peman an ki fèt pou Akò Peman Pa Vèsman, l ap konfime n ap retire  peman ou an otomatikman sou kont bank ou an, epi l ap fè konnen dat ki pwograme pou nou retire premye peman k ap gen pou fèt chak mwa a.

Si w voye peman ou an pa lapòs, li gen ladan l nimewo idantifikasyon IDA ki konplè ki sou chèk ou an oswa sou chèk postal lan. N ap mete peman kredi ou an apati dat ki sou papye lapòs la.

Si w resevwa konfimasyon ki fè konnen n ap kòmanse fè retrè otomatik pou peman ou an sou kont an bank ou an, ou p ap bezwen fè yon peman sou entènèt oswa pa lapòs; annik kontwole kont an bank ou an pou asire w retrè a fèt avèk siksè. Tanpri sonje, li ka pran plizyè jou pou ou wè tranzaksyon kote nou fè retrè a sou kont an bank ou.

Si ou pwograme pou peman IPA ou an fèt yon fason otomatik sou kont an bank ou an, ou ka bezwen fè peman ou an sou entènèt oswa pa lapòs jiskaske nou kapab trete demann pou fè retrè otomatik la. Lè nou fin trete demann ou an, n ap voye yon Konfimasyon dediksyon otomatik pou Akò Peman Pa Vèsman an, l ap konfime n ap retire  peman ou an otomatikman sou kont bank ou an, epi l ap presize dat ki pwograme pou nou retire premye peman k ap gen pou fèt chak mwa a.

Pandan tan sa, si ou dwe yon peman, n ap voye yon Avi pou Fakti Akò Peman Pa Vèsman  k ap di w pou make your monthly payment (fè peman chak mwa ou an) sou entènèt oswa pa lapòs. Si w voye peman ou an pa lapòs, li gen ladan l nimewo idantifikasyon IDA ki konplè ki sou chèk ou an oswa sou chèk postal lan. N ap mete peman kredi ou an apati dat ki sou papye lapòs la.

Si w dat pou fè peman ou an planifye yon jou samdi, dimanch oswa yon jou konje ki legal n ap eseye fè retrè peman ou an nan jou ouvrab ki vini annapre a.

Si ou pa gen ase fon ki disponib pou fè peman chak mwa ki planifye a, n ap otomatikman eseye yon dezyèm fwa pou fè retrè pou peman ou an apati kont bank ou an nan delè 2 jou ouvrab.

Si w bezwen chanje enfòmasyon sou kont  bank lan oswa nan dat pou fè retrè pou IPA ou an, gade nan Make changes to your IPA (Fè chanjman nan IPA ou an).

Nou pa fè peye frè pou reta, men nou ka voye yon avi si:

• ou peye apre dat ou te dwe fè sa
• ou pa fè peman chak mwa ki planifye a
• bank lan pa fè peman an

Pou evite echèk peman pa defo IPA ou an, ou dwe fè peman ki rate a nan pwochen dat ou dwe peman an anplis peman regilye ou gen pou fè chak mwa a. Kontwole kont bank ou an pou konfime peman ou an fèt avèk siksè.

Si w voye peman ou an pa lapòs, n ap mete peman kredi ou an apati dat ki sou anvlòp lapòs la.

Si w gen yon echèk peman pa defo, nou ka pran mezi pou ranmase kòb sa.

Si w kapab, nou ankouraje w pou make payments (fè peman) anplis peman ki planifye chak mwa a. Ou kapab:

• diminye tèm akò a,
• Diminye montan penalite ak enterè ou dwe a, epi
• Si sa posib diminye montan peman final la.

N ap ajoute peman anplis ou fè yo nan balans total IPA ou an, epi li p ap konte pou peman ou gen pou pwochen mwa a.

Si ou gen yon balans ou pa peye, nou ka gen obligasyon pou nou voye yon lèt sou sa, menm si ou gen yon IPA ki aktif. Si w resevwa yon fakti, premye bagay pou fè se verifye si nou deja ajoute kotizasyon an nan IPA ou an. Pou gade deta sou akò ou an, ou kapab swa:

• Konekte sou kont Online Services (Sèvis Sou Entènèt) epi chwazi Akò pou Pèman Pa Vèsman, oswa
• Fè nimewo kotizasyon ki sou fakti ou a (sa ki kòmanse avèk yon L) koresponn ak lis lis detaye dèt  ki nan dokiman orijinal IPA ou an.

Si nou deja ajoute kotizasyon an nan IPA ou an, ou pa bezwen fè lòt aksyon; kontinye fè peman IPA chak mwa ki pwograme a. Si kotizasyon an pa nan IPA ou an, gade Nouvo fakti yo anba a.

Li enpòtan pou verifye kont ou an regilyèman. Si w resevwa yon nouvo fakti, li pa otomatikman entegre nan IPA ki la deja a, epi ou pa kapab ajoute l nan IPA ki la deja.

Ou dwe swa:

• peye tout nouvo fakti a epi kontinye ak IPA ki la deja, oswa
• Peye balans ki te rete sou kont IPA ki te la deja, epi fè demann yon nouvo IPA pou nouvo fakti a.

Si w pa kapab peye tout nouvo fakti a oswa peye IPA ou te genyen deja a, nou ta kapab negosye pou ajoute yon nouvo IPA ladan l. Sepandan, nou ka:

• egzije pou ranpli yon tax warrant (mandakl fiskal), epi
• Ogmante montan w ap gen pou peye chak mwa a.

Si w bezwen negosye yon nouvo IPA, rele nou nan 518-457-5772 pandan lè ouvrab regilye pou w pale ak yon reprezantan.

Nou ka fè offset (konpansasyon) pou nenpòt ranbousman nan eta a oswa nan nivo federal yo dwe w pandan ou nan IPA a. Si nou fè yon konpansasyon pou revni, n ap voye yon avi pou ou.

Konpansasyon pou ranbousman yo  pa ranplase peman chak mwa ki planifye yo, epi ou dwe peye yo chak mwa jiskaske w fin peye tout balans IPA a.

Lè w aplike ranbousman pou balans ou pa peye yo li ka:

• bese balans ou dwe yo,
• Diminye tèm IPA ou an,
• bese montan peman final ou an, oswa
• Peye balans ou an nèt.

Si gen yon konpansasyon pou ranbousman oswa peman IPA ki pwograme chak mwa kreye yon peman anplis, nou kapab ranbouse w montan ou peye anplis la otomatikman (nan apeprè 60 jou). Men, n ap fè sa si w pa gen lòt dèt ki pa peye pou nou aplike lajan sa a. N ap avèti w alekri, si nou aplike yon peman ou fè anplis sou yon lòt dèt ou te genyen.

Pou tan IPA ou an ap dire, w ap rasanble enalite ak enterè pou balans ou pa peye. Nou kalkile montan total penalite ak enterè ou dwe yo sou baz current rates (to aktyèl la a) epi nou ajoute montan an nan peman ki dwe fèt ankò a ki planifye a. 

Nou ankouraje w fè peman pou balans ou pa peye a anplis peman chak mwa ki planifye a. Sa a ap pèmèt diminye montan total penalite ak enterè ou dwe yo.

Ou ka verifye balans ou:

• anliy nan kont pou Online Services (Sèvis Anliy) , oswa
• Nan telefòn sou 518-457-5772. (Ou dwe gen idantifyan moun ki ranpli taks la ak nimewo kotizasyon an ki disponib.)

Tanpri, pèmèt nou pran 10 jou pou pibliye peman yo sou kont ou an.