Bashkëshorti i pafajshëm/bashkëshortja e pafajshme (dhe ndarja e përgjegjësisë dhe lehtësimi i drejtë)
Nëse ju plotësoni një deklaratë të përbashkët, ju dhe bashkëshorti/bashkëshortja juaj jeni përgjegjës për tatimin dhe çdo interes apo gjobë të vendosur në deklaratë. Megjithatë, ju mund të kualifikoheni për lehtësim nga një pjesë ose e gjithë shuma e tatimit, interesave dhe gjobave të lidhura me një faturë tatimore të lëshuar për ju ose bashkëshortin/bashkëshorten tuaj (ose bashkëshortin e mëparshëm/bashkëshorten e mëparshme).
Nëse një pjesë ose e gjithë shuma e rimbursimit tuaj në deklaratën e plotësuar bashkërisht ka shkuar për shlyerjen e një borxhi që i përket vetëm tatimpaguesit të përbashkët, shihni Nonobligated Spouse Relief (Lehtësimi për bashkëshortin/bashkëshorten pa detyrime) (NOBS) dhe Form IT-280 (Formularin IT-280), Nonobligated Spouse Allocation (Alokimi për bashkëshortin/bashkëshorten pa detyrime), dhe Form IT-280-I (Formularin IT-280-I), Instructions for Form IT-280 (Udhëzimet për formularin IT-280), për informacione shtesë.
Për ju disponohen tre lloje lehtësimi:
- lehtësimi për bashkëshortin e pafajshëm/bashkëshorten e pafajshme,
- ndarja e përgjegjësisë, dhe
- lehtësimi i drejtë.
Faktorët që merren parasysh për lehtësimin – Seksioni 654 i ligjit për tatimin
| Faktorët | Lehtësimi për bashkëshortin e pafajshëm/bashkëshorten e pafajshme | Ndarja e përgjegjësisë | Lehtësimi i drejtë |
|---|---|---|---|
| Lloji i detyrimit | Ju duhet të keni dorëzuar një deklaratë të përbashkët që ka një nëndeklarim të tatimit për shkak të një zëri të gabuar të bashkëshortit tuaj/bashkëshortes suaj. | Ju duhet të keni dorëzuar një deklaratë të përbashkët që ka një nëndeklarim të tatimit për shkak, të paktën pjesërisht, të një zëri të gabuar të bashkëshortit tuaj/bashkëshortes suaj. | Ju duhet të keni plotësuar një deklaratë të përbashkët që ka një nëndeklarim të tatimit ose një nënpagesë të tatimit. |
| Gjendja martesore | Për të përcaktuar nëse do të jepet lehtësimi, mund të merret parasysh gjendja martesore. | Ju duhet të jeni i/e divorcuar (ose bashkëshorti/bashkëshortja të jetë ndarë nga jeta), të ndarë ligjërisht, ose të mos jeni anëtar i të njëjtit trung familjar me bashkëshortin/bashkëshorten tuaj për një vit të plotë përpara se të dorëzoni kërkesën e lehtësimit. | Për të përcaktuar nëse do të jepet lehtësimi, mund të merret parasysh gjendja martesore. |
| Dijenia | Ju duhet të vërtetoni që në kohën kur keni nënshkruar deklaratën e përbashkët ju nuk kishit dijeni, dhe nuk kishit arsye të kishit dijeni, për ekzistencën e nëndeklarimit të tatimit ose vlerën e nëndeklarimit. | Ju duhet të vërtetoni që në kohën kur keni nënshkruar deklaratën e përbashkët ju nuk kishit dijeni, dhe nuk kishit arsye të kishit dijeni, për ekzistencën e nëndeklarimit të tatimit ose vlerën e nëndeklarimit. | Mund të merret parasysh si faktor. |
| Kualifikime të tjera | Formulari IT-285 duhet të plotësohet brenda 2 vjetësh nga fillimi i mbledhjes së tatimit. | Formulari IT-285 duhet të plotësohet brenda 2 vjetësh nga fillimi i mbledhjes së tatimit. | Ju nuk kualifikoheni për lehtësimin e bashkëshortit të pafajshëm/bashkëshortes së pafajshme dhe as për ndarjen e përgjegjësisë. |
| Padrejtësia | Kur merren parasysh të gjitha faktet dhe rrethanat, do të ishte e padrejtë që të mbani përgjegjësi për nëndeklarimin e tatimit. | Nuk konsiderohet si faktor për lehtësimin. | Kur merren parasysh të gjitha faktet dhe rrethanat, do të ishte e padrejtë që të mbani përgjegjësi për nëndeklarimin e tatimit. |
| Rimbursimet | Kërkesa juaj mund të gjenerojë një rimbursim. Gjeni më shumë informacion më poshtë. | Nuk lejohen rimbursimet. | Kërkesa juaj mund të gjenerojë një rimbursim. Gjeni më shumë informacion më poshtë. |
| Kanosje – kërcënim me lëndim ose një formë tjetër shtrëngimi | Nëse vërtetoni që e keni nënshkruar deklaratën tuaj të tatimit mbi të ardhurat në shtetin e Nju-Jorkut nën kanosje, atëherë deklarata nuk është një deklaratë e përbashkët dhe detyrimi juaj në deklaratën e përbashkët mund të jetë i pavlefshëm. Megjithatë, mund t'ju kërkohet që për atë vit tatimor të dorëzoni një deklaratë tjetër, nga e cila mund të lindë një detyrim tatimor. | Nëse vërtetoni që e keni nënshkruar deklaratën tuaj të tatimit mbi të ardhurat në shtetin e Nju-Jorkut nën kanosje, atëherë deklarata nuk është një deklaratë e përbashkët dhe detyrimi juaj në deklaratën e përbashkët mund të jetë i pavlefshëm. Megjithatë, mund t'ju kërkohet që për atë vit tatimor të dorëzoni një deklaratë tjetër, nga e cila mund të lindë një detyrim tatimor. | Nëse vërtetoni që e keni nënshkruar deklaratën tuaj të tatimit mbi të ardhurat në shtetin e Nju-Jorkut nën kanosje, atëherë deklarata nuk është një deklaratë e përbashkët dhe detyrimi juaj në deklaratën e përbashkët mund të jetë i pavlefshëm. Megjithatë, mund t'ju kërkohet që për atë vit tatimor të dorëzoni një deklaratë tjetër, nga e cila mund të lindë një detyrim tatimor. |
Për të kërkuar lehtësimin, shikoni Form IT-285 (Formularin IT-285), Request for Innocent Spouse Relief (and Separation of Liability and Equitable Relief) (Kërkesë për lehtësimin e bashkëshortit të pafajshëm/bashkëshortes së pafajshme (dhe ndarja e përgjegjësisë dhe lehtësimi i drejtë)), si dhe instructions (udhëzimet përkatëse). Nëse plotësoni formularin IT-285, departamenti do të marrë parasysh nëse kualifikoheni për lehtësimin e bashkëshortit të pafajshëm/bashkëshortes së pafajshme, ndarjen e përgjegjësisë apo lehtësimin e drejtë.
Rimbursimet nuk lejohen për asnjë nga llojet e lehtësimit. Nëse lloji i lehtësimit për të cilin kualifikoheni nuk i lejon rimbursimet, do të rimbursoheni vetëm për pagesat që janë bërë me paratë tuaja. Pagesat e bëra me deklaratën e përbashkët, pagesat e përbashkëta, ose pagesat e bëra nga bashkëshorti/bashkëshortja juaj (ose bashkëshorti i mëparshëm/bashkëshortja e mëparshme) nuk kualifikohen për rimbursim. Edhe rimbursimet kufizohen nga statuti i kufizimeve sipas ligjit për tatimin (zakonisht tre vjet nga data e dorëzimit të deklaratës fillestare ose dy vjet nga data kur është paguar tatimi, cilado qoftë më e mëvonshme).
Në vend të kësaj, mund të kualifikoheni për një ofertë kompromisi në përputhje me seksionin 171 ( pika tetëmbëdhjetë-d) të ligjit për tatimin nëse keni përgjegjësi të përbashkët dhe individuale për një deklaratë të përbashkët për tatimin mbi të ardhurat dhe përmbushni disa kushte. Mund të gjeni informacion shtesë në formularin DTF-4.2, i cili gjendet në faqen e internetit të departamentit, www.tax.ny.gov.
Për të aplikuar për lehtësimin e bashkëshortit të pafajshëm/bashkëshortes së pafajshme, dërgoni formularin IT-285 së bashku me dokumentacionin mbështetës përmes postës në adresën:
NYS TAX DEPARTMENT
PROTEST CORRESPONDENCE UNIT
W A HARRIMAN CAMPUS
ALBANY, NY 12227-5120
Për më shumë informacion:
Vizitoni faqen e internetit të IRS-së Tax Information for Innocent Spouses (Informacioni tatimor për bashkëshortin e pafajshëm/bashkëshorten e pafajshme).